Na reunión de hoxe non se produciu ningún tipo de avance na negociación. A empresa informou que aínda non recibiron a previsión de volume de traballo por parte de Vodafone e que, de non recibila, esta tarde realizarán unha planificación de máximos para os próximos meses.
Con respecto as puntos tratados na última reunión:
- Bolsa de emprego: crearán unha bolsa de emprego con todo o persoal de ETT de servizos de Vodafone que foi despedido dende decembro. No caso de aumentar o traballo irán contratando en función da produtividade que tiña o traballador ou traballadora, AHT e FCR no caso de FRONT e ratio no caso de 2N.
- Rexeitan definitivamente calquera tipo de compensación económica ao persoal afectado polas suspensións, así como manter os días das vacacións ou non descontar os días de suspensión das pagas extras.
Se o venres non viamos avances na negociación, hoxe aínda menos. Maña, ás 13:00 horas, terá lugar a derradeira reunión do período de consultas e agardamos que a empresa, en aras da boa fe negociadora, mude a súa postura actual.
En todo caso para informar con detalle todo o que suceda, dende o Comité convocamos a todo persoal a que participe nas asembleas que faremos nos centros de traballo:
- Vg1: martes 12 de febreiro, na sala de formación da planta baixa (Xoguetería) de 14:30 a 16:00 e de 16:00 a 18:00 horas.
- Vg3.1: mércores 13 de febreiro, na sala de Conferencias na 5ª planta de 11:00 a 13:00, de 14:00 a 16:00 e de 17:00 a 19:00 horas.
*Lembramos que a asistencia ás asembleas debe ser fóra do horario laboral
Ningún comentario:
Publicar un comentario