Na reunión do 23 de marzo CCOO e UGT
aceptaron os recortes salariais que as empresas levan propoñendo dende hai meses:
fixeron unha proposta pola que dan por perdida a suba salarial dos anos 2015 e
2016, e para os anos posteriores a actualización será a ano vencido.
Así, se
os salarios soben un ano polo seu “acordo” un 1% e o IPC un 3%, non se
actualizarían os salarios con efectos do 1 de xaneiro, perdendo deste xeito os
atrasos do 2%. A modo de exemplo, en 2016 o IPC subiu un 1.6%, pero non se
actualizarían os salarios. Este ano o IPC está no 3%, pero subirían os salarios
só o 1.6% do ano anterior.
Perda salarial a 1/1/2017
coa proposta de CCOO e UGT:
Nivel
|
Salario actual
|
Perda en euros
|
8
|
15.194
|
243,1
|
9
|
14.662
|
234,6
|
10
|
13.864
|
221,8
|
11
|
13.257
|
212,1
|
A perda pode ser
maior para os sucesivos anos. Os traballadores e as traballadoras non temos
culpa do retraso na negociación do convenio, pero pagarémolo. Dende a CIG
advertimos que deixar pasar o tempo, como fixo a patronal, era un perigo, xa
que pretenderían dar por perdida a suba salarial deses anos. Finalmente o tempo
deunos a razón. Foi por iso que non estivemos de brazos cruzados e a finais de
2015 decidimos comezar un proceso de mobilizacións.
Unha
vez máis queremos poñer sobre a mesa que ademais vulnérase un principio básico do movemento sindical: a
DEMOCRACIA.
Facemos un chamamento público a CCOO e
UGT para que, se chegan a un preacordo, se
convoque un referendo para que sexan os cadros de persoal quen decidan co seu
voto se queremos perder máis salario ou non. Xa está ben de que uns poucos liberados de CCOO e UGT en Madrid decidan
por todos e todas nós.
Ningún comentario:
Publicar un comentario