Na reunión do 1 de
decembro, a patronal fixo propostas en materia de bandas horarias, basicamente
alongando as mesmas, acompañadas de flexibilidade horaria:
· Pretenden crear unha banda horaria das 9 da maña ás 21:00 horas, sen quendas fixas, é
dicir, un día podes estar de mañá e outro de tarde.
· Para o persoal
a xornada completa din que non se cumpre a xornada máxima anual, algo que
en primeiro lugar é incerto. A fixación das quendas, como computan os festivos
ou as vacacións, fai que todos os anos haxa xente que supera a xornada máxima
anual. Pero con ese argumento falaz propoñen
un horario flexible sen respectar quendas, pretenden que a empresa diga cando
tería que traballar (un día de tarde, outro de mañá; un día si, outro non, etc).
Estamos ante a lei da selva, sen que o persoal
coñeza o seu horario para organizar a súa vida, deixando que a empresa
caprichosamente diga cando traballamos e cando non.
O peor é que despois de meses de negociación a
patronal actúa deste xeito prepotente, sen dúbida grazas á “pax imperial
romana” que se respira a nivel estatal.
Machúcannos día a día nas empresas, somos
traballadores/as pobres e as direccións veñen ás reunións con propostas para
explotarnos máis e aquí non pasa nada? En
Galiza pasa!!! O 10 de novembro na Coruña a CIG iniciou un calendario de
mobilizacións que continuará o vindeiro 17 de decembro en empresas de Vigo.
Correspóndenos aos
delegados/as dar a cara en primeiro lugar pero, se a patronal non retira as
súas propostas escravistas, o conflito irá a máis e a CIG convocará paros e
folga sectorial.
17
de decembro novas concentracións da CIG
Pola
abolición do escravismo do século XXI
Ningún comentario:
Publicar un comentario