O pasado venres a empresa comunicaba o despedimento a 17
traballadores/as, alegando motivos organizativos, ao deixar a plataforma
da Coruña de prestar o servizo 11822 (servizo de directorio), que a
partir de agora será atendido unicamente polas plataformas de Valencia e
Tánxer. A razón desta decisión, segundo a empresa, débese a ausencia de
chamadas, polo que proceden a reordenar o servizo. Unha motivación que
cuestionan dende o Comité ao tempo que critican a negativa de Atento a
recolocar noutros departamentos a este persoal.
A este respecto,
Carlos Brañas, membro do Comité pola CIG, relacionaba esta decisión coas
numerosas denuncias presentadas pola parte social diante da Inspección
de Traballo a causa de elevadísima carga mental que padecen os
traballadores e as traballadoras. Porén, a única resposta da empresa
foi, sen previo aviso, suprimir este servizo na Coruña amparándose nunha
suposta ausencia de chamadas. “Sen motivo pechan o servizo e despiden a
todo o persoal que ten relación co 11822: teleoperadores/as,
auditores/as e administrativos/as”, explicaba.
Xunto a isto, o
Comité reitera as denuncias contra a política de acoso e presión ao
persoal, cambios de quenda e xornada, e os continuados despedimentos por
coller baixas médicas de curta duración. Baixas, insisten dende a
Sección Sindical da CIG, que en moitos casos son provocadas polas
condicións laborais que a propia empresa impón. Esta situación, que a
representación sindical leva meses denunciando, afecta a todos os
departamentos de Atento na Coruña.
Folga de 24 horas o vindeiro luns
Para
rexeitar estes despedimentos e o peche do servizo, o Comité convocou
este martes paros de 1 hora por quenda de traballo con concentracións.
Na protesta da mañá, os traballadores e traballadoras de Atento
recibiron o apoio dos compañeiros e compañeiras das contratas e
subcontratas de Telefónica (que se encargan das instalación e mantemento
das liñas e redes) que están en folga indefinida dende o martes.
Ademais,
o vindeiro luns, 20 de abril, está convocada unha xornada de folga de
24 horas e unha manifestación que sairá ás 20 horas de diante das
oficinas de Atento na rúa Juan Flórez
Ningún comentario:
Publicar un comentario