O venres 31 de maio está convocada unha manifestación e un paro de dúas horas
Delegados/as e traballadores/as de
Telerperformance A Coruña concentráronse este xoves novamente diante dos
accesos ao edificio da empresa de telemárketing en rexeitamento aos
despedimentos que se están a producir logo da decisión de Gas Natural de
eliminar o servizo de atención telefónica que Unión Fenosa Comercial
prestaba dende a plataforma coruñesa.
Até o momento xa foron entregadas as cartas de despedimento
para máis de 40 traballadores/as que até agora prestaban servizos para a
campaña de Unión Fenosa Comercial, non está renovando contratos de
eventuais e comezou a executar despedimentos “por causas obxectivas” en
varias campañas para “facer oco para as recolocacións”. Ademais outros
traballadores e traballadoras víronse tamén afectadas polos cambios de
quendas, horarios e servizos.
Así as cousas, o vindeiro venres,
31 de maio, está convocada unha nova manifestación e un paro de dúas
horas, coincidindo coa data na que se farán efectivos os despedimentos. O
percorrido da marcha será o mesmo que se realizou na manifestación do
pasado xoves: dende as instalacións de Telerperformance até a oficina
comercial de Gas Natural Fenosa e con saída ás 12 do mediodía.
Ningún comentario:
Publicar un comentario