Dende a CIG
denuncian que a empresa vén de presentar un ERE suspensivo que afectará
ás 97 persoas ás que se lles propuxo o traslado a Madrid
Un
grupo de delegadas e delegados sindicais do telemárketing da CIG e da
CGT protagonizaron hoxe unha nova concentración ás portas de Unísono en
Vigo para reclamar carga de traballo que poña fin aos despedimentos na
empresa. Dende a CIG-Banca denuncian que a compañía vén de presentar un
ERE suspensivo que afecta ás 97 persoas ás que se lles propuxo o
traslado a Madrid para evitar o custe laboral até que non se resolva o
conflito colectivo despois de que o Xulgado decretase a suspensión
cautelar.
A protesta
desenvolveuse diante do centro de traballo da rúa Gran Vía 110 de
16.00 a 17.00 horas, tempo no que os afectados/as despregaron unha
faixa co lema “Non máis abusos en Unísono” e berraron consignas
contra os despedimentos e a precariedade laboral.
Dende a
CIG-Banca explicaron que a concentración -que nun principio fora
convocada para reclamar carga de traballo para as 97 persoas ás que
a empresa lles aplicou un expediente de mobilidade xeográfica- ten
por obxecto rexeitar o ERE suspensivo que vén de presentar a
compañía de telemárketing.
Neste senso,
indican que “Unísono pretende deste xeito que sexa a Seguridade
Social a que faga fronte ao custe laboral destes traballadores até
que non se resolva o conflito colectivo despois de que o Xulgado
decidise a suspensión cautelar do expediente de mobilidade
xeográfica”.
Ningún comentario:
Publicar un comentario