A CIG
rexeitou o Convenio Colectivo de Contact Center por entender que condenaba aos
traballadores/as do sector a unha perda salarial. Agora, a suba do IPC (que pechou
nun 2,7% en agosto) e a inxusta suba do IVE, aprobada polo Goberno do PP (que
levará a un aumento dos prezos nos vindeiros meses), demostran que o Convenio foi
un mal amaño.
Co convenio pactado entre a patronal
ACCE (que representa ás empresas) e CCOO e UGT, os traballadores e
traballadoras estamos condenados a ver reducidos os nosos salarios. Así o advertimos
e agora está pasando.
Acumulamos unha perda de 596 euros
en dous anos (2010 e 2011) e no 2012 perderemos novamente diñeiro. Traballamos
e cada día somos máis probes, o que é especialmente doloso para as persoas con
xornadas parciais e as persoas con cargas familiares.
Ante esta situación, a lóxica di que
deberíamos negociar melloras salariais noutros ámbitos. Lamentablemente, o convenio
tamén leva a prohibición de negociar melloras en marcos inferiores, é dicir,
prohibe a negociación a nivel galego ou de empresa. Deste xeito, malia que unha
empresa vaia ben, é imposible negociar nela unha suba salarial para compensar a
perda de poder adquisitivo.
Ningún comentario:
Publicar un comentario