04/04/2012

Atento comeza a aplicar as reducións de xornadas para 180 traballadores/as contratados/as a tempo parcial

O persoal da plataforma de Atento na Coruña continuou este martes coas mobilizacións en protesta polas reducións de xornada que a empresa do telemárketing comunicou a 180 traballadores/as. Esta modificación substancial das condicións de traballo, que a dirección aplica grazas as facilidades introducidas pola reforma laboral do PP, terán efecto, na maioría dos casos, a partir deste día 3 de abril.

As reducións de xornada consisten en quitarlle aos empregados e empregadas até cinco horas de traballo semanais, coa correspondente redución de salario, nun sector como o do telemárketing, xa de por si moi precario.

Por outra parte, o Comité de Empresa tomou por unanimidade a decisión de presentar un Conflito Colectivo para que se restitúa aos/ás compañeiros/as afectados/as as condicións laborais anteriores.

Ningún comentario: