A dinámica da negociación
dos convenios a nivel estatal está sendo a mesma en todos, só se fala dos
recortes propostos pola patronal e
nada dos avances propostos polos sindicatos.
Isto ten que ver co modelo de negociación estatal, as cúpulas sindicais
séntanse nas mesas renunciando ás mobilizacións o que, na práctica, é
entregarse a máis ou menos recortes. Unha dinámica que, no sector dos Centros
de Chamadas, estamos rachando dende Galiza coas sucesivas folgas e paros.
A cada paro ou folga, a
patronal responde rebaixando a intensidade dos recortes (pensan coa lóxica da
negociación centralizada), pero non é iso o que queremos, demandamos un convenio
que mellore salarios e limite un modelo de flexibilidade que só beneficia ás
empresas. Iso implica manter o conflito e incrementalo nos vindeiros meses.
Proposta patronal 14 xullo:
·
Artigo 18, cambio de empresa que
presta o servizo: aceptan
a subrogación do 100% do persoal e piden un novo redactado. · Artigo 23: rebaixan de 9 a 8 os días que se poderían traballar seguido.
· Libranza festivos: a libranza de festivos que coincidan co descanso semanal non poderá superar os 3 días.
· Novas quendas: manteñen a ampliación da quenda de tarde (14:00 a 24:00) e a creación de novas quendas (9 a 18 e das 12 ás 21).
· Complemento IT (baixa por enfermidade): que estarían dispostos a revisar as porcentaxes se hai un acordo “global” de convenio.
· Suba Salarios: despois de 20 meses de chulería lles entraron as présas e din que, se non se asina rápido un acordo, empeorarán as súas propostas. Tal e como advertimos alongar a negociación pode levar a que dean por perdidas as subas do 2015-2016, de aí a necesidade de mobilizarnos xa.
· Concreción de xornada por redución: están dispostos a que sexa diaria se “chegamos pronto a un acordo”.
· Indefinidos: propoñen transformar en indefinido ao persoal contratado antes de xuño do 2010, se aceptamos un convenio ata o 2020 ¿?. Na maior parte das empresas esta medida xa foi adoptada grazas á presión sindical.
En resumo:
Se
queremos un Convenio Digno temos que seguir mobilizándonos.
Ningún comentario:
Publicar un comentario