Na
reunión da mesa negociadora do Convenio do 10 de abril, os
directivos das empresas demostraron ser coma os malos estudantes.
Contestan a todo dicindo que “o
están estudando”,
pero non aproban ningunha das nosas propostas.
Tempo
de traballo
A
patronal non presentou ningunha proposta en concreto para o capítulo
de tempo de traballo, so din que estudarán un sistema para facilitar
cambios de quendas para conciliación (hoxe en moitos casos as
empresas non cumpren nin a lexislación mínima, polo que a súa
intención é cuestionable).
Na
coincidencia de festivos con días de libranza remítennos ao
Xulgado, que presentemos demandas se non estamos conformes.
Sobre
o resto de propostas din que as están
estudando,
agás a nosa proposta de 35 horas semanais que rexeitan de plano,
alegando que a “flexibilidade” que demanda a súa clientela non a
fai viable.
Sabemos
que as patronais teñen un claro interese en eliminar calquera
referencia a unha xornada máxima regulada. Con carácter xeral, as
empresas queren impoñer un modelo baseado na produtividade fronte
aos horarios, é dicir, que as empresas asignarían unha tarefa a
cumprir a cada persoa, independentemente do tempo que lle leve
facela. As empresas do noso sector, sempre atentas ás novas formas
de explotación laboral, parecen querer unirse a esa tendencia.
Contratación
Con
respecto a contratación, non dan respostas definitivas pero xa
deixan caer que non cren que se poidan limitar as contratacións
temporais (eventuais, obra e moito menos ETT’s).
Din
que non fai falla modificar o dos contratos mercantís e sobre os
artigos 17 e 18, darán resposta na vindeira reunión xa que aínda o
están
estudando.
Curioso
que as empresas que aplaudiron as reformas laborais, dicindo que
acababa coa dualidade entre persoal indefinido e temporal, agora
continúen apostando pola temporalidade máis vergoñenta.
Para
resumir, a Patronal está comodamente instalada e non ten intención
de negociar nada, se non a movemos entre todos e todas.
Ningún comentario:
Publicar un comentario