A federación de Banca da CIG e A Mesa
pola Normalización Lingüística anunciaron hoxe a posta en marcha
dunha campaña nacional para reivindicar o dereito a sermos
atendidos/as en galego nos centros de chamadas das empresas que
operan no noso país. As organizacións sosteñen que esta medida
permitiría a creación de máis de 2000 empregos en Galiza e
remataría coa discriminación do idioma nesta materia, polo que
chaman ao conxunto da cidadanía a sumarse á iniciativa.
O secretario
nacional da CIG-Banca, Clodomiro Montero, compareceu esta mañá en
rolda de prensa xunto á responsábel dos Centros de Chamadas da
central nacionalista, Laura Pérez Figueroa, e ao presidente da A
Mesa pola Normalización Linguística, Marcos Maceira, para presentar
os principais aspectos dunha campaña coa que se pretende concienciar
á sociedade galega da necesidade de esixirmos o dereito a sermos
atendidos/as na lingua propia do país, non só para rematar coa
discriminación existente nesta materia senón tamén porque
permitiría a creación de máis de 2000 empregos.
http://www.galizacig.gal/avantar/novas/23-4-2015/a-cig-e-a-mesa-inician-unha-campana-para-reivindicar-o-dereito-a-sermos-atendidosas-
http://www.galizacig.gal/avantar/novas/23-4-2015/a-cig-e-a-mesa-inician-unha-campana-para-reivindicar-o-dereito-a-sermos-atendidosas-
Ningún comentario:
Publicar un comentario