Últimas novas de Tele 2 - Comunitel

Perda contrato Emisión-Comunitel:

Como xa informamos anteriormente, Bosch acaba de perder o contrato da campaña de “Emisión-Comunitel”, que pasará a levar a empresa Unisono tamén instalada en Vigo.

Neste senso onte día 3, e por solicitude do persoal afectado, tivemos unha Asemblea na que analizamos as saídas laborais de reubicación ofertadas por Bosch, así como o dereito do persoal afectado a continuar a campaña dentro de Unisono.

Hai unha guerra comercial polo cliente Comunitel, na que os traballadores e as traballadoras podemos acabar por ser vítimas colaterais do conflito, algo que dende logo na parte que nos toca non imos a permitir.

Baixada volume chamadas:

A empresa continúa alegando que está descendendo o volume de chamadas das campañas de Tele-2 Comunitel, feito polo que esta semana 9 persoas quedaron inicialmente sen horarios. A día de hoxe non hai unha previsión do traballo para os vindeiros meses. Xa solicitamos unha reunión da CIG coa Dirección de Bosch para analizar a situación.

Horarios:

A Inspección de Traballo sancionou a Bosch, pola rotación dos horarios. Entendemos que esta sanción é froito dunha mala xestión por parte da empresa nesta materia, mala xestión que está a pagar o persoal con contratos temporais. Así mesmo a Inspección considera ilegais as reducións de xornada que está a firmar o persoal de ETT´s, polo que haberá que estar a expectativa nas vindeiras semanas.

Seguiremos informándovos.