Durante os últimos anos vimos sufrindo continúas reformas laborais que recortan dereitos e precarizan cada vez máis as condicións laborais.
Ao persoal dos Centros de Chamadas esta situación non nos é descoñecida. Levamos anos pelexando contra unha patronal cada vez máis cacique que non para de lucrarse e aumentar beneficios a costa do noso esforzo e dos nosos dereitos.
Ante este escenario non nos amedrentamos, saímos a rúa e fixemos folgas para reclamar o noso, a ter un salario digno, a poder conciliar a nosa vida persoal e laboral, a manter os postos de traballo no noso pais en contra da deslocalización, a garantir o acceso a unha carreira profesional, ao recoñecemento ao traballo que facemos sen presións nin abusos, etc...
A situación actual con traballos cada vez máis precarios e con salarios baixos non só é unha cuestión que nos afecta agora, senón que tamén nos vai a afectar no futuro.
Queren facernos ver que as persoas que hoxe cotizamos, mañá non cobraremos pensións. Si nos convencen poderán quitárnolas. Con contratos a tempo parcial, salarios de merda e períodos de desemprego alternados con traballo precario, non é posible aforrar para facermos un plan de prensións privado como pretenden. Hoxe estamos cotizando para poder cobrar mañá, temos que saír a defender o noso dereito futuro.
MANIFESTATE coa CIG, pola defensa dos nosos dereitos, o 1º de maio ás 12:00 na Dobrada
Ningún comentario:
Publicar un comentario