O pasado martes iniciouse o período de consultas correspondente ao Expediente de Regulación temporal de Emprego iniciado pola empresa para os servizos de Vodafone e hoxe mantivemos a primeira reunión.
A empresa debería ter facilitado toda a documentación prevista na lexislación. Pola contra pasou documentación incompleta, contraditoria e sesgada. Entendemos que as causas NON están xustificadas e nin sequera facilitaron os criterios de selección do persoal afectado, mais alá do servizo ao que pertencen.
Pretenden aplicar, en base á unha previsión de baixada do traballo en febreiro, un ERTE que duraría todo o ano, propoñendo medidas para febreiro e sen explicar que medidas aplicarán o resto do ano. Xustifícanse dicindo que non dispoñen da previsión de carga de traballo por parte de Vodafone para os próximos meses e que incluso a Xunta de Galicia os avala neste senso.
As medidas propostas para o mes de febreiro serían so de aplicación no servizo de Vodafone HD, afectando a case todo o persoal desta campaña, tanto axentes como coordinación, formación e apoios, excluíndo a capa de supervisión e apoios administrativos. O persoal afectado vería suspendido o seu contrato inicialmente entre sete e tres días marcados pola empresa. Dende o Comité non aceptaremos a imposición de medidas para as que puidera haber persoas voluntarias.
Para o resto do ano, nos din que xa se verá cando, como, a quen e por canto tempo suspenden os contratos e se aplican tamén a mesma medida en Provisión e Reclamacións.
Dende o Comité de Empresa queremos chegar a un acordo, pero a situación coa que nos atopamos, dificulta que poida ser así. Si a empresa non cambia o paso, serán eles os únicos responsábeis da conflitividade que poida haber.
A vindeira reunión é o 4 de febreiro, seguirémosvos informando.
Ningún comentario:
Publicar un comentario