Como xa é coñecido as campañas que se levan en Bosch para Vodafone están atravesando un momento crítico, delicado e complicado.
O servizo de Vodafone HD é o máis afectado, onde se reduce de xeito considerable a carga de traballo en todas ás areas, segundo nos notifica a empresa arredor dunhas 18.000 horas menos no servizo. Esta situación leva a Bosch a ter que tomar a decisión de rescindir, no mes de febreiro o contrato de 60 persoas de ETT no servizo, sen descartar que o resto de persoal de ETT se poida ver afectado do mesmo xeito nos meses próximos. A empresa continua valorando outras medidas para evitar rescindir contratos do persoal de empresa.
No servizo de Vodafone Provisión tamén diminúe o volume de tarefas asignadas polo que a empresa tamén vai a proceder a finalizar o contrato de 29 persoas de ETT durante o mes de febreiro.
Cunha afectación menor, no servizo de Vodafone Reclamacións a empresa rescindirá o contrato de 4 persoas de ETT no mes de febreiro.
Tamén comunican o fin do servizo de Vodafone Microempresas para o 15 de febreiro, se ben o persoal deste servizo será recolocado nun novo proxecto comercial para Euskaltel.
En paralelo a situación dos servizos de Vodafone, a finais de decembro a empresa ADER comunica que decide rescindir a relación laboral con Bosch, un proceso que será regulado por un ERE interno na ETT.
Para tratar con mais detalle a situación actual na empresa dende o Comité convocamos a todo persoal a que participe nas asembleas que faremos nos centros de traballo:
- Vg1: luns 21 de xaneiro, na sala de formación da planta baixa (Xoguetería) de 11:00 a 13:00, de 14:00 a 16:00 e de 17:00 a 19:00 horas.
- Vg3.1: martes 22 de xaneiro, na sala de Conferencias na 5ª planta de 11:00 a 13:00, de 14:00 a 16:00 e de 17:00 a 19:00 horas.
*Lembramos que a asistencia ás asembleas debe ser fóra do horario laboral
Ningún comentario:
Publicar un comentario