Folga e manifestación o 28 de novembro
Non hai dous sen
tres, e por iso o vindeiro 28 de novembro os teleoperadores e teleoperadoras de
Vigo, manifestarémonos por terceira vez coincidindo coa nova xornada de folga
de 24 horas. Porémonos de novo á fronte por un convenio xusto e digno.
A
patronal continua cunha actitude prepotente, acostumada a facer e desfacer,
grazas a unha lexislación laboral inxusta que ampara a precariedade e os
abusos.
As
empresas e os seus accionistas non están
dispostas a ceder algúns dos seus privilexios, para que se convertan nos nosos
dereitos. Non están dispostas a que medren menos os seus beneficios, para subir
máis os nosos salarios. Por iso é necesario este conflito.
Se queremos dereitos
teremos que conquistalos, sempre o tivemos claro e por iso hai un ano a CIG puxo
en marcha un proceso de mobilizacións que agora, por fin, ten ámbito estatal.
O 28 de novembro todos á FOLGA e á MANIFESTACIÓN que sairá ás 11:30 de Unísono (Gran Vía 110) para rematar en Bosch (María Berdiales 20)
Ningún comentario:
Publicar un comentario