A
negociación do Convenio Colectivo dos Centros de Chamadas entrou
nunha nova fase, despois de que CCOO e UGT estiveran dispostos a
través do “AENC 2015”, a admitir subas salariais ridículas e a
recortar dereitos.
Na
reunión do 18 de maio, a patronal dixo que podería falar dunha
pequena suba, que en calquera caso, tería en conta que “no
ano 2014 os salarios medraron máis que o IPC”.
Esquecen que o anterior convenio
saldouse cunha perda acumulada no salario base:
Unha persoa contratada a xornada completa como teleoperadora
nivel 11 perde 232,98 €/ano; unha especialista nivel 10 perde
243,66 €; unha xestora 257,68 €; e unha coordinadora ou unha
formadora perdería 267,03 €.
A
CIG non está por traer ao Convenio as subas previstas no “AENC
2015”, nos centros de chamadas se traducirían nunha suba mensual
máxima entre 2 e 9 euros.
O
“AENC 2015” recolle tamén un compromiso entre CEOE, CCOO e UGT
para implantar unha maior flexibilidade. A patronal dos centros de
chamadas quere aplicar ese acordo no Convenio.
En
materia de vacacións
e permisos
a flexibilidade se traduciría en:
- Vacacións: Queren incluír que se podan preavisar con 3 meses. Tamén que se marque unha porcentaxe que as empresas poderían cambiar con posterioridade a súa aprobación por “circunstancias excepcionais”.
- Eliminar as horas retribuídas para ir ao médico/a.
- Eliminar todas as horas para o acompañamento dos fillos/as ao médico.
- Aceptarían que 3 días de permiso por hospitalización podan ser descontinuos (dereito que xa recolle algunha sentenza).
- Os días de mudanza só se poderían coller 1 vez ao ano.
A
patronal quere tomarnos o pelo: as empresas gañaron máis mentres
nós perdemos poder adquisitivo, despiden aquí e levan o traballo
para fóra, e agora pretenden aplicarnos un Pacto para empeorar as
condicións futuras. Seguiremos dicíndolle que NON alto e claro.
Vindeira
reunión 1 de xuño.
Ningún comentario:
Publicar un comentario