O 19 de xaneiro publicouse no DOG a convocatoria
do Instituto Galego da Vivenda e Solo as bases do Programa de axuda ao
alugamento de vivendas do Plan estatal de fomento de alugamento de
vivendas, a rehabilitación edificatoria e a rexeneración urbanas
2013-2016.
Resumo das bases:
OBXECTO:
Estas axudas ao alugamento de vivendas teñen por obxecto facilitar o
acceso e a permanencia nunha vivenda en réxime de aluguer a persoas
físicas con escasos medios económicos, mediante a concesión de
subvencións para afrontar os custos do alugueiro.
REQUISITOS: As persoas beneficiarias deberán cumprir as seguintes condicións:
a)
Ser titular ou estar en condicións de subscribir un contrato de
arrendamento de vivenda, con mención expresa da súa referencia
catastral, formalizado nos termos da Lei 29/1994, do 24 de novembro, de
Arrendamentos Urbanos, en calidade de arrendatario.
b)
Que a vivenda arrendada ou a arrendar constitúa, ou vaia a constituír, a
residencia habitual e permanente da persoa arrendataria.
c)
Que os ingresos das persoas que compoñen a unidade de convivencia que
teñan, ou vaian ter, o seu domicilio habitual e permanente na vivenda
arrendada, consten ou non como titulares do contrato de arrendamento,
sexan en conxunto inferiores a 3 veces o IPREM.
d) Que a renda do contrato de arrendamento non supere os seguintes límites;
-600€ para
as vivendas situadas nos concellos de área territorial de Prezo Máximo
Superior: A Coruña, Santiago de Compostela, Ourense, Vigo e Pontevedra.
-500€ para
as vivendas situadas na zona territorial 1 (concellos de Ames, Ares,
Arteixo, As Pontes de García Rodríguez, Betanzos, Boiro, Cambre,
Carballo, Cee, Cedeira, Culleredo, Fene, Ferrol, Melide, Mugardos,
Narón, Neda, Noia, Oleiros, Ordes, Oroso, Padrón, Pontedeume, Ribeira,
Sada e Teo. Burela, Cervo, Chantada, Foz, Lugo, Monforte de Lemos,
Ribadeo, Sarria, Vilalba e Viveiro, Allariz, A Rúa, O Barco de
Valdeorras, O Carballiño, Celanova, Ribadavia, Verín e Xinzo de Limia. A
Estrada, A Illa de Arousa, Baiona, Bueu, Cambados, Cangas, Gondomar,
Lalín, Marín, Moaña, Mos, Nigrán, O Grove, O Porriño, Poio, Ponteareas,
Pontecesures, Redondela, Sanxenxo, Tui, Vilagarcía de Arousa e Vilanova
de Arousa)
-400€para as vivendas situadas no resto de concellos, zona territorial 2.
No
suposto de que a unidade de convivencia necesitara unha vivenda de
maiores dimensións, por ter a condición de familia numerosa ou unha
vivenda adaptada por ter un membro con discapacidade, a renda máxima da
vivenda poderá acadar os 600 euros mensuais, no caso de estar nun
concello da zona territorial 1, e os 500 euros no caso de estar nun
concello da zona territorial 2.
CONTÍA DAS AXUDAS:O
seu importe será do 40% da renda anual que se deba satisfacer polo
aluguer da vivenda habitual e permanente, cun límite máximo anual de
2.400 euros por vivenda, o que supón unha axuda mensual máxima de 200
euros. As axudas concederanse por un prazo de doce meses, prorrogables a
solicitude da persoa interesada, ata a data de finalización do Plan.
PROCEDEMENTO:O
procedemento de concesión será en réxime de concorrencia competitiva, o
que supón que tódalas solicitudes serán valoradas aos efectos de
seleccionar aos beneficiarios das axudas.
PRESENTACIÓN DE SOLICITUDES:
-PRAZO; Dende o dia 20 de xaneiro de 2015 ata 19 de febreiro de 2015,ambos os dous incluídos.
-FORMA: Conforme modelo anexo I da convocatoria (DOG do 19.01.2015). Tamén dispoñible en sede electrónica da Xunta de Galicia https://sede.xunta.es
-LUGAR: Poderá presentarse por vía electrónica ou en soporte papel dirixidas as Area Provinciais do IGVS, onde se sitúe a vivenda alugada.
INCOMPATIBILIDADES:Estas
axudas son incompatibles con outras axudas ao alugamento para persoas
arrendatarias con escasos recursos económicos que poidan conceder a
Xunta de Galicia, as corporacións locais ou calquera outra
administración ou entidades públicas e salvo a excepción prevista no
artigo 11.5 do Plan estatal 2013-2016.
Estas axudas están xestionadas e financiadas polo Instituto Galego de Vivenda e Solo e o Ministerio de Fomento.
Para
a solicitude da axuda deberán presentar correctamente cumplimentado o
impreso de solicitude e os anexos I e II. O anexo III presentarano
posterioremente os beneficiarios da axuda
Toda a documentación AQUI
Ningún comentario:
Publicar un comentario